炒土豆絲

薯仔,又名土豆,馬鈴薯,廣東人一般都是用來炆,煮,滾和煲湯,做沙律等,很少用來炒. 在一個大食會上,有位外省朋友做了個涼伴土豆絲好爽口,那我便嘗試一下用來炒,又真的好食好爽,正! 但如果掌握不好是會炒爛和不爽口!

材料 : 薯仔去皮切片再切粗絲(條)比麥記薯條稍幼便可,放入清水浸着. 瘦肉或雞肉切絲,紅蘿蔔切絲,青椒切絲,西芹切絲,毛豆仁一小碗,韭黃切段,和葱段一湯匙(留少許切粒洒在上面),蒜片二茶匙.

調味料 : 生抽一茶匙,糖,楜椒粉,鹽,味粉各少許.

做法 : 薯仔條用水清洗後再用水浸着待用,毛豆仁下鍋用少許鹽煮一會取出待用,雞肉絲或豬肉絲撈入調味料,鑊下少許油和水煮一下,後連水取出待用,鑊洗淨下少許油炒煮紅蘿蔔一下,加入青椒絲,西芹絲同炒煮一下取出.

薯仔條倒入隔器隔去水份和印乾,鑊洗淨抹乾下油再加入少許鹽,轉中火放入薯仔條和蒜片入鑊同炒一會,這時加入已炒的雞肉絲或豬肉絲連水兜炒,加入紅蘿蔔,青椒絲,西芹絲,毛豆仁同炒,放入韭黃再炒試味,再加入葱段炒匀上碟,洒上葱粒便成.

令外這碟是昨晚炒的土豆絲.

這個土豆絲是主要,其他材料可隨意加入更改.

後話 : 薯仔條一定要浸水清洗去除黏液和澱粉,炒出來才會爽口, 毛豆仁比較硬,所以要先煮一會才加入同炒. 以上材料配撘加減隨意.