臘味芋頭糕

過年時節,很多人喜歡用芋頭來做食品,當然是芋頭糕,亦有人做南乳芋蝦, 芋角, 切細件芋片, 再加入細件蕃薯片和花生等, 丁油炸後在新年時奉客.

小時候過年時,很多各式各樣的糕點和糖果,真的食到停不了口. 現時在國外華人社會農曆新年氣氛亦很濃,各處社團舉行慶祝活動,省長,市長們亦同參加華人新年慶祝,各省亦有巡遊興典,一片喜氣洋洋,超市擺滿應節食品,你以為回到香港. 新年來臨少不免,要弄些賀年糕點招呼親友.今次介紹給大家的,是香口的芋頭糕,是很容易做到成功的食品.

材料 : 粘米粉大約8至10安士,大芋頭一個大約一磅多少少,去皮切大粒,薑片數片(如果不喜歡,可以不用),鹽,糖各一茶匙,味粉半茶匙.

料頭材料 : 臘肉去皮,臘腸適量同浸在暖水内,軟身後切碎,蝦米適量,如太大隻切開一半,冬菇洗淨浸水至軟身後切粒.

白芝麻下白鑊炒香,芫茜,葱洗淨切小粒,以上三種待用.

炒料頭調味料 : 生抽一至二茶匙,老抽一茶匙,楜椒粉少許,鹽大約一茶匙,糖一至二茶匙,白酒一湯匙.

做法 : 芋頭切粒後放在大碟上,洒上半碗水放入大滾水內,隔水蒸大約十五至二十分鐘,取出待涼.

炒料頭,鑊下少許油,先爆薑片,再爆香蝦米,隨後加入所有料頭,同炒至勻匀,洒入調味料炒匀,連油等同取出待用.

大煲或大盤一個,先將已經蒸熟的芋頭連水倒進,再加入已炒料頭,拌勻匀,加入大約半碗水和糖,鹽,味粉同攪匀,分次加入一半粘米粉(不可以一次過全部倒進去),拌匀至稠,如果覺得太乾,可加入少許水份拌匀,但覺得太稀,便要加多些少粉.

後放入滾水內隔水蒸大約一個半小時至二小時後,用一隻乾身筷子插入,取出時應該是透明,不會見到白色粉狀黐在筷子上,如果是白色粉狀,即是代表還未蒸熟時,要再蒸. 

熟後趁熱時先洒上芝麻,再洒上葱和芫茜碎,待涼後包裹好放入雪櫃,便成一美味的芋頭榚.

後話 : 芋頭最好選輕身的,如果是重身水份會多,做出來時便不好吃,但是芋頭比較粉時,加入粘米粉時便要留意了.
臘腸,臘肉浸在暖水或蒸熟後,切時會容易些.
如果有人不大喜歡芫茜和葱可以不用洒上.