白鹵水雞翼

這個白鹵水雞翼,可作小食,下酒,佐飯,大人小朋友都十分喜愛,做法簡單,工夫不多.

材料 : 雞翼全隻或只選中段,全翼10隻,翼中段20隻.

浸味水料 : 花椒大約十數粒,整個八角2至3隻,草果一個,甘草2至3片,薑2至3片,鹽小半杯,味粉一茶匙,糖一湯匙,水五杯.

蘸汁料 : 蒜茸一茶匙,老抽少許(大約三至四滴),糖大半茶匙,陳醋一至二滴,味粉少許,水適量(大約三茶匙),用小碗拌勻匀.

做法 : 用小煲(可加入所有雞翼)煮滾五杯水,放入浸味料,滾後試鹹淡味,熄火待涼.

清洗乾淨雞翼,水滾後放入雞翼,滾後熄火,待大約五分鐘,這是必然的出水步驟,然後 取出用凍水清洗,再煲滾新鮮水,滾後加入雞翼,滾後熄火浸大約十至十五分鐘,後取出放進味水內浸至涼. 涼後亦可整煲放入雪櫃內,雪凍取出便成.

小煲煮滾蘸汁料試味,酸甜度加到個人喜好,亦可加入辣椒碎. 涼後用來蘸雞翼,非常好味.

後話 : 浸雞翼的水,滾後一定要試試鹹甜味,太鹹加水,太淡加鹽. 浸過後的水可以再用,薑要取出,下次用時要換新的薑再滾一下.