糖醋排骨 - 簡單版易做

前天我又煮糖醋排骨,其實之前已經做過兩三次了,因為唔難所以再做,同時甜甜酸酸送飯幾好.

很多時侯食人家煮的糖醋排骨,都覺得好好味,但一問做法就怕怕,又煮又炸,程序複習,始終沒有去鑽研,想食便去街上食算了.

最近在社區報上,睇到一則講做糖醋排骨(全部都是簡體字),但我將它改良沒有咁鹹,決定嘗試一下. 嗯...嗯,又真係幾容易.

材料 : 一字排骨8至10條,鎮江香醋4至5湯匙,蕃茄醬4至5湯匙,砂糖2至3湯匙,白酒3茶匙,薑片3至4片,楜椒粉,鹽各少許.

做法 : 排骨洗淨出水,後瀝乾水份,加入鎮江香醋,蕃茄醬各2湯匙,砂糖一湯匙半,白酒2茶匙,鹽和楜椒粉各少許,薑3片,拌勻包入保鮮紙,放入雪櫃內雪一至二小時.

鍋內滾水放入排骨内,蒸大約一個半小時後取出,每條排骨放入鑊內,四面煎香取出,汁液倒入鑊內煮,加入大約三湯匙開水,再加入其餘香醋,茄醬,白酒一同再煮,試味,鹹,甜,酸自己滿意,後放入排骨翻動煮至稠,便成.

2017年1月的年夜飯再做前.

 後話 : 排骨醃後放入雪櫃,會加速入味. 如果喜歡肥些,可選用腩排.