節瓜鱆魚瘦肉湯

湯 - 是對廣東人非常重要,我每每在家請客或大食會時,我都會準備一煲老火湯,每當菜肴上檯時,一轉頭,只有小貓三兩隻在廳內,其餘十多二十人都在廚房內排隊,我問他們攪乜鬼,他們便說飲湯先,未到尾聲時,有人已經第三碗了,所以最近要煮大小共兩煲才夠朋友享用.今天這個湯又正氣又香又好味.

材料 : 節瓜兩條(加多或減少除意),要選長條型(大肚型內有很多子),瘦肉或半肥瘦大約半斤或多點(出水至清)洗淨,鱆魚離火燒香或焗香,蜜棗兩至三粒.

做法 : 大半煲水煮滾,節瓜刮皮(不用刮至見白色),切大段,把豬肉,節瓜,鱆魚,蜜棗等一同放入已滾的水內,滾後慢火煮二時半至三小時,加入鹽試味,享用.
(如有真空煲,只需慢火滾半小時,放入真空煲內,兩小時後取出煮大約十五分鐘,再放回真空煲內,至開飯前再煮一會)

美味的湯

湯材料

後話 : 為何鱆魚要焗或燒香?因如不做這程序,那些湯沒有香味只有腥味.